Նախագահ Դոնալդ Թրամփը երկու հնդկահավերին Գոհունակության օրվա նախօրեին ներում է շնորհել `հետեւելով հին նախագահական ավանդույթին:
AP-հաղորդմամբ՝ Wishbone եւ Drumstick հնդկահավերն այդպիսով պաշտոնական հետաձգում են ստացել:
Թրամփը նշել է, որ ինքը եւ առաջին տիկինը Սպիտակ տանը բազմաթիվ հյուրերի են հյուրընկալել, այդ թվում, համաշխարհային առաջնորդների, Կոնգրեսի անդամների: «Բայց մենք դեռ չենք հյուրընկալել այնպիսի այցելուների, ինչպիսին մեր Drumstick հյուրն է», - կատակել է Թրամփը:
«Ես ուրախ եմ հաղորդել, որ ի տարբերություն միլիոնավոր այլ հնդկահավերի, Drumstick-ին պայծառ ապագա է սպասվում», - ասել է նա:
Նրա խոսով՝ Drumstick-ը եւ Wishbone-ը Virginia Tech-ում կապրեն իրենց կյանքի մնացած մասը՝ միանալով անցյալ տարվա Tater եւ Tot հնդկահավերին, որոնք Բարաք Օբամայի կողմից էին համաներում ստացել:
Համաներման արարողակարգին մասնակցել են նաեւ նախագահի դուստր Իվանկան եւ իր ամուսինը, ինչպես նաեւ Մելանյայի ծնողները: