Էդինբուրգի համալսարանի մասնագետները ենթադրում են, որ կյանքը Երկրի վրա կարող էր առաջանալ տիեզերական փոշու հոսքերից, հաղորդում է Phys.org-ը:
Գիտնականները կարծում են, որ տիեզերական փոշու ուժեղ հոսքերը, որոնք շարժվում են վայրկյանում մինչեւ 70 կմ արագությամբ, կարող են տեղափոխել փոքրիկ կենդանի օրգանիզմներ:
Մասնավորապես, փորձագետները հայտարարում են, որ տիեզերական փոշին, որն անընդհատ «ռմբահարում է» Երկիր մոլորակի մթնոլորտը, կարող է Երկիր մոլորակի ձգողականության սահմաններից կենդանի օրգանիզմներ դուրս բերել եւ հասցնել այլ մոլորակներ:
Հետազոտողները պնդում են, որ դա կարող է տեղի ունենալ նաեւ այլ մոլորակներից, որի արդյունքում կենդանի օրգանիզմները կարող են մեկ տիեզերական մարմնից անցնել մյուսին:
