«Ամերիաբանկն» այսօր՝ նոյեմբերի 22-ին, Հայաստանի բանկային աշխատողի օրը, բացել է հերթական, թվով 4-րդ կոմպակտ, ունիվերսալ մասնաճյուղը նորաբաց «Ռիո մոլ» առեւտրի կենտրոնում (Փափազյան-8 հասցեում) (ֆոտոռեպորտաժ):
«Ամերիաբանկի» մանրածախ գործառնությունների տնօրեն Արման Բարսեղյանը լրագրողների հետ զրույցում նշեց, որ նոր «Քոչար» մասնաճյուղը կաշխատի շաբաթվա բոլոր 7 օրերին՝ առավոտյան ժամը 10.30-ից մինչեւ 21.15-ը: Այսինքն հաճախորդները կարող են բանկի ծառայություններից օգտվել նաեւ իրենց աշխատանքային ժամի ավարտից հետո:
«Դա նաեւ հնարավորություն կտա մեզ բեռնաթափել «Կոմիտաս» մասնաճյուղը: Այդ խնդիրը վաղուց էր լուծում պահանջում, քանի որ «Կոմիտաս» մասնաճյուղը միակն էր Արաբկիր վարչական շրջանում, իսկ հիմա կա արդեն երկու մասնաճյուղ»,-ասաց նա:
Հարցին՝ ինչո՞վ է գրավիչ «Ամերիկաբանը» հաճախորդների համար, Արման Բարսեղյանը դժվարացավ առանձնացնել մեկ հիմնական գործոն. «Ես կարծում եմ, որ ամենագլխավոր հանգամանքը, որը մեզ համար ամեն ինչից կարեւոր է, հաճախորդների սպասարկման որակն է: Մենք փորձում ենք անել հնարավոր առավելագույնը, որ այդ առումով թերացումներ չունենանք»:
«Ամերիաբանկի» մանրածախ գործառնությունների տնօրենը տեղեկացրեց, որ «Ամերիաբանկը» առաջիկա 3 ամիսներին արշավ կիրականացնի ինտերնետ-բանկինգի ոլորտում. «Առաջարկում ենք լավ զեղչեր, եւ մենք մեր հաճախորդներին կոչ ենք անում օգտվել այդ արշավի հնարավորություններից»,-ասաց Բարսեղյանը:
Նշենք, որ «Քոչար» մասնաճյուղն առաջարկում է արտոնյալ պայմաններով ծառայություններ բոլոր այն ֆիզիկական եւ իրավաբանական անձանց, որոնք կդառնան «Ամերիաբանկի» հաճախորդ՝ բացելով հաշիվ Ամերիաբանկի «Քոչար» մասնաճյուղում մինչեւ 2018թ. մարտի 31-ը:
Մասնաճյուղն առաջարկում է արտոնյալ պայմաններով հետեւյալ ծառայությունները.
Նոր իրավաբանական անձի հաշիվ բացելու դեպքում՝
Ամերիա Օնլայն/Մոբայլ/Բանկինգ համակարգի տրամադրում՝ մեկ տարվա անվճար սպասարկմամբ
Business քարտի տրամադրում՝ մեկ տարվա անվճար սպասարկմամբ
Ընկերության երկու ղեկավարին/իրական շահառուին մեկական դեբետային կամ կրեդիտային քարտի տրամադրում/բացառությամբ՝ Platinium կամ Infinite տեսակի քարտերի/՝ մեկ տարվա անվճար սպասարկմամբ
Նոր ֆիզիկական անձի հաշիվ բացելու դեպքում՝
մեկ դեբետային կամ կրեդիտային քարտի տրամադրում/բացառությամբ՝ Platinium կամ Infinite տեսակի քարտերի/՝ մեկ տարվա անվճար սպասարկմամբ
Ամերիա Օնլայն/Մոբայլ/Բանկինգ եւ Հեռախոսային բանկինգ ծառայությունների անվճար տրամադրում:
«Քոչար» մասնաճյուղի տարածքում տեղադրված են կանխիկի մուտքագրման բանկոմատ եւ վճարային տերմինալ:
Հիշեցնենք, որ «Ամերիաբանկի» երկար աշխատանքային գրաֆիկով մասնաճյուղեր են «Երեւան մոլ» առեւտրի կենտրոնում եւ եւս մեկը «Մետրոնոմ» առեւտրի կենտրոնում (մետրոյի «Երիտասարդական» կայարանի մոտի գետնանցումում):
Հոկտեմբերի վերջին «Ամերիաբանկը» փոքր ու միջին ձեռնարկատիրության եւ ֆիզիկական անձանց համար արտոնյալ պայմաններով վարկավորման երկու նոր արշավ է սկսել:
«Ամերիաբանկը» ՓՄՁ եւ ֆիզիկական անձանց վարկավորման 2 նոր արշավ է գործարկել