Ազգային ժողովի մոտ բողոքի ակցիա ավարտվեց. Ուսանողները NEWS.am-ի թղթակցի հետ զրույցում նեերյակացրին իշխանության ներկայացուցիչների հետ կայացած կլոր սեղանի արդյունքները:
Ըստ այդմ, որոշել են ստեղծել աշխատանքային խմբեր, որտեղ պետք է քննարկվեն ուսանողների առաջարկները:
«Համաձայնության եկանք, որ գիտնականների համար տարկետում լինելու է: Համաձայնության եկանք, որ գիտական միտքը կարելի է կիրառել բանակի համար: Պայքարը դեռ շարունակվում է, դժվար է հիմա խոսել գոհ կամ դժգոհ լինելու մասին»,-ասացին նրանք:
Նշենք, որ ուսանողների եւ իշխանության ներկայացուցիչների կլոր սեղան ձեւաչափով երկրորդ հանդիպումը տեղի կունենա երկու շաբաթ անց:
Ուսանողները քննարկումների արդյունքում կորոշեն, այս քննարկումներին զուգահեռ բողոքի ցույցերը շարունակվելու են, թե ոչ:
