Փհենյանը «լուրջ սադրանք» է համարում Հյուսիսային Կորեային ԱՄՆ-ի կողմից ահաբեկչության հովանավոր-պետությունների ցուցակում ընդգրկելը։ Փհենյանը նախազգուշացրել է, որ պատժամիջոցները երկրին չեն ստիպի միջուկային ծրագրից հրաժարվել։ Այս մասին հայտնում է AFP-ը՝ հղում անելով Կորեական կենտրոնական լրատվական գործակալությանը։
«Մեր բանակը եւ ժողովուրդը բարկություն եւ զայրույթ է տածում այն նողկալի գանգստերների նկատմամբ, ովքեր համարձակվում են մեր սուրբ երկիրը ընդգրկել ահաբեկչության խղճուկ ցուցակում»,- նշում է Կորեական կենտրոնական լրատվական գործակալությանը՝ վկայակոչելով Հյուսիսային Կորեայի Արտաքին գործերի նախարարության մամլո քարտուղարին։
Քննադատելով Վաշինգտոնին այն բանի համար, որ ԱՄՆ-ն իրեն զգում է ինչպես «ահաբեկչության միջազգային դատարան»՝ մամլո քարտուղարը ավելացրել է, որ ԱՄՆ-ի այս քայլը «աբսուրդ է եւ ծաղրանք աշխարհի եւ անվտանգության նկատմամբ»։ «ԿԺԴՀ-ի միջուկային զենքը զսպող գործոն է մեր ինքնիշխանության պաշտպանության համար։ Քանի դեռ ԱՄՆ-ն շարունակում է իր թշնամական քաղաքականությունը ԿԺԴՀ-ի նկատմամբ, մենք կշարունակենք զսպման միջոցները ամրապնդել»,-ասել է նա։
