ԱՄՆ նախագահ Դոնալդ Թրամփին Ասիայի վերջին շրջագայության ընթացքում ուղեկցող երեք ամերիկացի զինվորականներին օտարերկրյա կանանց հետ «անվայել շփումների» մեջ են կասկածում, հաղորդում է Washington Post-ը:
Սպիտակ տան կապի վարչությունում աշխատող երեք բանակային սերժանտներին այլ աշխատանքի են տեղափոխել:
Դաշնային կառավարության պաշտոնյան Reuters-ի հետ զրույցում անանուն մնալու պայմանով, հաստատել է, որ միջադեպը տեղի է ունեցել Վիետնամում:
Պենտագոնը հրաժարվել է որեւէ մանրամասն պատմել, սակայն, խոստովանել է, որ ուսումնասիրում է միջադեպի հանգամանքները: «Մենք գիտենք այդ միջադեպի մասին եւ այն ներկայումս հետաքննվում է», - ասել է Պենտագնի մամուլի խոսնակ Մարկ Ռայթը: