Կառավարության՝ նոյեմբերի 23-ին կայացած նիստում վարչապետ Կարեն Կարապետյանը բոլոր նախարարությունների եւ գերատեսչությունների ղեկավարներին հանձնարարել է եռօրյա ժամկետում ներկայացնել բոլոր այն պատասխանատուների անունները, ովքեր պետք է համակարգեն տնտեսության այս կամ այն ոլորտի թվայնացման գործընթացը: Նաեւ հանձնարարվել է երկշաբաթյա ժամկետում «Հայաստանի 2020 – 2030 թթ. թվայնացման օրակարգը» նախագծի շրջանակներում կազմել եւ ներկայացնել 2018-ի միջոցառումների ծրագրի մշակման առաջարկներ՝ «Թվայնացված Հայաստան» հիմնադրամի հետ համաձայնեցնելու համար:
«Հայաստանի թվայնացման օրակարգը» երկարաժամկետ ծրագրի մշակմանը զուգահեռ, անհրաժեշտ է նաեւ իրականացնել կարճաժամկետ հստակ ծրագրերի աշխատանքներ: Դա հատկապես վերաբերում է այն ոլորտներին, որտեղ թվայնացումը առաջնային նշանակություն ունի: Թեեւ իմ կարծիքով, այդ գորրընթացը գերակա է մեր տնտեսության բոլոր ճյուղերի համար », - նշել է կառավարության ղեկավարը:
