Հիփոթեքային վարկավորման դեպքում հարկային արտոնությունները կվերանայվեն: Համապատասխան որոշումն ընդունվեց կառավարության նոյեմբերի 23-ի նիստում:
Որոշման նախագիծը ներկայացնելիս ֆինանսների նախարար Վարդան Արամյանը պարզաբանեց, որ այսօր գործող իրավական կարգավորման համաձայն՝ անկախ այն հանգամանքից, թե ով է ձեռք բերված բնակարանի սեփականատերը եւ նա քանի բնակարանում է ապրում, հիփոթեկային վարկի տոկոսները հարկատուի հաշվին են վերադարձվում պետական բյուջե: «Մենք որոշել ենք նեղացնել անձանց շրջանակը՝ հնարավորություն տալով հարկատուի հաշվին տոկոսների վճարումներ կատարել միայն ցածր եւ միջին եկամուտներով սուբյեկտներին: Այս իմաստով նախատեսում ենք սահմանափակման 2 տեսակ սահմանել: Առաջին՝ այս հնարավորությունը չի տրամադրվի 55 մլն դրամը գերազանցող գործաքների դեպքում: Երկրորդ սահմանափակումը կգործի, եթե տվյա սուբյեկտը կամ համավարկառուն երկրորդ բնակարանն է գնում»,- հստակեցրեց ֆինանսների նախարարը: Միաժամանակ նա հավելեց, որ կառավարության առջեւ սոցիալական հարց լուծելու խնդիր է դրված: