News
Լրահոս
News
Հինգշաբթի
Սեպտեմբեր 20
Տեսնել լրահոսը

Այսուհետ զբոսաշրջային ամենահայտնի ուղղությամբ` դեպի Գառնի եւ Գեղարդ հնարավոր կլինի ուղեւորվել առանց հսկա փոսեր շրջանցելու։ Ողջաբերդին հարող ավտոճանապարհի սողանքային 1,8 կմ հատվածը բարեկարգվել ու նորոգվել է. մի քանի օրից նաեւ գծանշումները կլինեն։

ՀՀ տրանսպորտի, կապի եւ տեղեկատվական տեխնոլոգիաների նախարարությունից NEWS.am-ին հայտնում են, որ գլխավորն այն է, որ այս ճանապարհին տրվել է հատուկ կարգավիճակ. 2018թ. հունվարից ճանապարհի սպասարկումը կլինի մշտական ու պարբերական` տարվա բոլոր ամիսներին։

«Մենք դիմել ենք կառավարությանը, որպեսզի նշված 1,8 կմ հատվածին տրվի հատուկ կարգավիճակ, եւ ամբողջ տարվա ընթացքում սողանքային երեւույթներից խուսափենք ու հարմարավետ ճանապարհ ունենանք»,-նշեց «Հայաստանի ավտոմոբիլային ճանապարհների տնօրինություն» ՊՈԱԿ-ի տնօրեն Աշոտ Արշակյանը:

Մինչեւ Գեղարդ տանող ճանապարհին հինգ սողանքային գոտիներ կան, այս հատվածն ամենաերկարն է, մնացածները համեմատաբար ավելի կարճ են՝ 20, 30 կամ 50 մետր, այդ իսկ պատճառով հիմնական ուշադրությունը կենտրոնացված է այս 1,8 կմ-ին։

«Հայաստանի ավտոմոբիլային ճանապարհների տնօրինություն» ՊՈԱԿ-ի տնօրեն Աշոտ Արշակյանը, նախարարին ներկայացնելով կատարված աշխատանքները, նշեց, որ որպես շինաշխատանքների սկզբունք՝ ընտրվել է թեթեւ ծածկի տեսակը, քանի որ ասֆալտի ծանր ծածկն օժանդակում է սողանքային երեւույթների զարգացմանը:

Նախատեսվում է հիմնանորոգել նաեւ ճանապարհին հարող կիսաքանդ հենապատը, որը եւս, այսպես կոչված, «հոսող հողերի» հետեւանքն է։ Եթե այս տարի եղանակային պայմանները թույլ չտան, անվտանգության նկատառումներով կհեռացվեն բոլոր պոկված քարերը, իսկ հենապատի հիմնանորոգման աշխատանքները կտեղափոխվեն մյուս տարի։

Տպել
Կարդացեք նաև
Ամբողջը
«Հայաստան» հիմնադրամի միջոցներով շահագործված Վարդենիս-Մարտակերտ մայրուղին լուրջ արդյունքներ է ապահովում. պետնախարար
Արցախի պետնախարարն ընդունել է «Հայաստան» հիմնադրամի մի խումբ ներկայացուցիչների…
Նախարարը «Վրացական երկաթուղու» տնօրենի հետ քննարկել է հացահատիկային բեռների՝ ցամաքային փոխադրման արգելքի հարցը
Դավիթ Փերաձեի խոսքով՝ Վրաստանի կառավարությունը սրանով մի քանի խնդիր է լուծում՝ ճանապարհների բեռնաթափում, անցակետերում հերթերի նվազեցում եւ էկոլոգիական...
«Հյուսիս-հարավ» ծրագրի գործընթացում պետությանը 23.5 մլրդ դրամի վնաս է հասցվել. հարուցվել է քրգործ
Նաեւ՝ միջոցներ չեն ձեռնարկվել շինանյութի, մասնավորապես՝ ցեմենտի բաղադրության եւ որակի չափորոշիչների ու նորմատիվների պահպանման...
«Հյուսիս-հարավ» ճանապարհի որոշ հատվածներ վճարովի են լինելու. իսկ որքա՞ն է կազմելու վճարը
Այդ վճարը չի գերազանցելու ներկայումս այդ ճանապարհով...
«Հյուսիս-Հարավի» շինարարությունը հնարավոր է՝ ավարտվի 5 տարում, հնարավոր է՝ 10-12 տարում. Տրանսպորտի նախարար
Չեմ կարծում, որ կարելի է հետ կանգնել այդ նախագծից, դրա հիմքերն այսօր չկան...
Իրան-Հայաստան երկաթգծի կառուցման համար պետությունն այսօր այդ բյուջեն չունի. նախարար
Կապված նախաձեռնության պայմաններից, պայմանագրի դրույթներից ցանկացած պահի մեզ համար շահեկան առաջարկ լինելու դեպքում...
Partner news