Կասկադի աստիճաններին կատարված ավազակային հարձակումը բացահայտվել է: Այս առնչությամբ, ոստիկանության տարածած հաղորդագրության մեջ ասվում .
«Նոյեմբերի 20-ին ոստիկանության Երեւան քաղաքի վարչության օպերատիվ կառավարման կենտրոն է զանգահարել 1993 թ. ծնված Մարիամ Մ.-ն եւ հայտնել, որ նոյեմբերի 19-ին, ժամը 23.50-ին, Կասկադի աստիճանների վրա անհայտ անձը դանակի սպառնալիքով իրենից հափշտակել է «Սամսունգ 5 էս մինի» տեսակի բջջային հեռախոսը եւ դիմել փախուստի:
Նոյեմբերի 23-ին ոստիկանության Կենտրոնական եւ Արաբկիրի բաժինների ծառայողները օպերատիվ տվյալներն իրացնելիս պարզել են, որ հանցագործությունը կատարել է 1989 թ. ծնված Ալիկ Ա.-ն, որը ժամը 1.00-ին Կոմիտասի պողոտայի թիվ 56 հասցեի մոտից բերման է ենթարկվել:
Ձեռնարկվում են միջոցառումներ հափշտակվածը հայտնաբերելու ուղղությամբ:
Ալիկ Ա.- կալանավորված է: Կատարվում է նախաքննություն»: