Samsung-ը մտադիր է Galaxy շարքի S 9 ֆլագման սմարթֆոնը ներկայացնել ավելի շուտ, քան սովորաբար՝ փետրվարի վերջին կամ մարտի սկզբին։
VentureBeat պարբերականը, վկայակոչելով ընկերությունում իր իրազեկ աղբյուրները, գրում է, որ Galaxy S9 եւ Galaxy S9+ սմարթֆոնները հասարակությանը կներկայացվեն 2018-ի հունվարին՝ Լաս Վեգասում CES ցուահանդեսի ժամանակ։
VentureBeat-ը նշում է, որ, հնարավոր է, Galaxy S9-ի եւ S9+-ի ցուցադրությունը CES-ում ավելի շուտ թիզեր լինի, քան լիարժեք շնորհանդես։ Իսկ վերջնականապես այդ ֆլագմանները Samsung-ը կներկայացնի նախորդ տարիների պես գարնան սկզբին։
Սարքից նոր դիզայն սպասել պետք չէ։ Galaxy S9-ի եւ S8-ի արտաքին տեսքի տարբերությունը հավանաբար կլինի ավելի քիչ, քան Galaxy S6-ի եւ S7-ի միջեւ։