ԱՄՆ քաղաքներից մեկի ոստիկանները համացանցում հոլովակ են տեղադրել, որում ծառայողական հովվաշունը 2 ոստիկանների հետ հատակին ձգում վարժություն է կատարում, փոխանցում է «Россия 24»-ը:
Հոլովակը նոյեմբերի 19-ին հրապարակվել է Ալաբամա նահանգի Գալֆ Շորզ քաղաքի ոստիկանական վարչության Facebook-ի էջում: Այդ պահից սկսած հոլովակը ավելի քան 750 հազար դիտում է ունեցել, հոլովակին ուղեկցում է Survivor խմբի Eye of the Tiger երգի մեղեդին, որը ժամանակին հնչել է «Ռոկի» ֆիլմում:
«Ծառայողական շուն Նայթրոն, սպաներ Քոուենը եւ Հենքոկը պատրաստվում են, որպեսզի ձերբակալեն օրենքը խախտող վատ տղաներին»,- նշված է հոլովակի մակագրության մեջ:
