ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է լրատվամիջոցներում այն լուրերը, թե ՌԴ ԱԳ նախարար Սերգեյ Լավրովը իբր թե Երեւան այցի ընթացքում փոխանցել է ղարաբաղյան հակամարտության կարգավորման «Պուտինի պլանը», փոխանցում է «ՌԻԱ Նովոստի»-ն։

«Մենք միշտ բոլորին խորհուրդ ենք տալիս, անկասկած, պահպանելով ստեղծարար մոտեցումը՝ ամեն դեպքում երբեմն, իսկ ցանկալի է, հնարավորինս հաճախ, օգտվել իրազեկ առաջին աղբյուրից։ Դուք ճիշտ եք ասում, որ այս թեման  բազմիցս քննարկվել է, մենք մեկնաբանել  ենք այս  այցելությունները ե՛ւ նախքան այցը, ե՛ւ դրանից հետո։ Մենք միանշանակ պատասխանել ենք այդ հարցին։

Այդ պատառով մենք ունենք ԱԳՆ կայք, կազմակերպում ենք ճեպազրույցներ, ասուլիսներ, հանգամանորեն պատասխանում ենք բոլոր  հարցերին»,- ասել է Զախարովան՝ պատասխանելով հարցին, թե ինչպես կարելի  է մեկնաբանել ադրբեջանական լրատվամիջոցներում  հայտնված այն լուրերը, թե Լավրովը տարածաշրջան այցի ժամանակ ղարաբաղյան հակամարտության կարգավորման շուրջ «Պուտինի պլանն» է փոխանցել։