Գերմանիայի եւ Ռուսաստանի միջեւ դժվար ժամանակներում ազնիվ քննարկումներ են պետք , ասել է Գերմանիայի կանցլեր Անգելա Մերկելը «Պետերբուրգյան երկխոսություն» համաժողովի ուղերձում, հաղորդում է «ՌԻԱ Նովոստին»:
Ուղերձը Բեռլինի Պետերբուրգի երկխոսության համաժողովի 16-րդ լիագումար նիստի բացման ժամանակ կարադցել է Գերմանիայի Դաշնային Հանրապետության նախկին նախարար, «Պետերբուրգի երկխոսություն» համաժողովի գերմանական համակարգող հանձնաժողովի ղեկավար Ռոնալդ Պոֆալան:
«Գերմանիան շահագրգռված է Ռուսաստանի հետ բազմակողմանի եւ վստահելի հարաբերությունների կառուցմամբ, մենք այս ծանր ժամանակներում ազնիվ քննարկման անհրաժեշտությունն ենք տեսնում», - կարդացել է Պոֆալան:
Բեռլինում նոյեմբերի 23-25-ը տեղի է ունենում Ռուսաստանի եւ Գերմանիայի քաղաքացիական հասարակությունների «Պետերբուրգյան երկխոսություն» համաժողովի 16-րդ հանդիպումը,: Թեման է «Հանրության մասնակցությունը Ռուսաստանի եւ Գերմանիայի միջեւ փոխըմբռնման ճանապարհին»:
