Հրեաները թուրքական լրատվամիջոցներում ատելության հռետորաբանության հիմնական առարկա են դարձել: Այս մասին ասվում է Հրանտ Դինքի հիմնադրամի «Media Watch on Hate Speech» զեկույցում: Զեկույցում ներկայացված են տեղական եւ ազգային մամուլում ուսումնասիրության արդյունքները, վերլուծության են ենթարկվել Թուրքիայում ապրող էթնիկ եւ կրոնական փոքրամասնությունների մասին 1910 հոդվածներ եւ սյունակներ, գրում է Hurriet- ը:
Հետազոտված լրատվամիջոցներում հայտնաբերվել են ատելության խոսքի հռետորաբանության 2,466 օրինակներ: 493 դեպքերում թիրախ են դարձել հրեաները, 472-ում` սիրիացիները, երրորդ տեղում` հույները` 256, այնուհետեւ` հայերը, հույն կիպրոսցիները, թուրքաբնակ հույները եւ քրիստոնյաները: Մի քանի դեպքերում բրիտանացիները եւ բուդդայականները նույնպես դարձել են ատելության հռետորաբանության առարկա:
Ատելության հռետորաբանության ամենաշատ օրինակները Իսրայելի մասին հոդվածներում եւ սյունակներում են: Երեսաղեմում Ալ Աքս մզկիթի շուրջ տեղի ունեցած իրադարձությունների ժամանակ թուրքական լրատվամիջոցները հրեշացնում էին հրեաներին:
Հրեաները ներկայացվել են որպես «գաղտնի ուժ» եւ «սպառնալիք Թուրքիայի համար»:
Սիրիացի փախստականները հաճախ հիշատակվում են քրեական նորությունների համատեքստում, ինչպես նաեւ հավասարեցվում էին ահաբեկչության եւ անվտանգության խնդիրներին: Սիրիացի փախստական կանայք ներկայացվում են որպես ընտանիքի եւ հասարակության համար սպառնալիք: