Տնտեսական ակտիվությունը Հայաստանի բնակչության հիմնական մասն իր վրա չի զգում: Այդ մասին լրագրողների հետ հանդիպման ժամանակ՝ նոյեմբերի 24-ին, հայտարարել է տնտեսագետ Վիլեն Խաչատրյանը:
Ըստ նրա՝ եկամտի ու սեփականության բաշխումն այնպես է կատարվում, որ տնտեսական ակտիվության բարիքներից երկրում կարող է օգտվել բնակչության միայն 10 տոկոսը:
«Բնակչության զգալի մասը տնտեսական այդ ակտիվությունից էական ոչ մի փոփոխություն չի զգում, ինչը երկրում ամենալուրջ բացասական երեւույթներից մեկն է », - ընդգծել է Խաչատրյանը: