News
Լրահոս
News
Հինգշաբթի
Մարտ 28
Տեսնել լրահոսը

Հարարեի «Ազգային մարզադաշտում» Էմերսոն Մնանգագվան բազմահազար հանդիսատեսի ներկայությամբ ընթերցելով երդման տեքստը եւ խոնարհվելով Աստվածաշնչին՝ պաշտոնապես ստանձնել է Զիմբաբվեի նախագահի պաշտոնը, փոխանցում է «ՌԻԱ Նովոստի»-ն:

Հանդիսատեսը մի քանի անգամ հիացական բացականչություններով ընդհատել է նորաթուխ նախագհի ելույթը:

Երդման տեքստը ընթերցելուց  հետո Մնանգագվային են հագցրել երկրի դրոշի գույներով ծաղկեժապավենը եւ պաշտոնապես Զիմբաբվեի նախագահ են հռչակել:

Մնանգագվան, որը հիմա 75 տարեկան է, նոյեմբերի սկզբին երկրի առաջին փոխնախագահի պաշտոնից հեռացվել էր: Լրատվամիջոցների տեղեկություններով՝ Զիմբաբվեի նախագահ Մուգաբեն այս քայլին դիմել էր կնոջ՝ Գրեյսի ազդեցությամբ, որն իբր մտադիր էր ամուսնուց հետո ինքը զբաղեցնել երկրի բարձրագույն պաշտոնը, իսկ Մնանգագվայի մեջ, որը զինովարակնների եւ բնակչության շրջանում մեծ հեղինակություն ուներ, իր մրցակցին էր տեսնում:

Հաղորդվել էր նաեւ, որ նախկին առաջին տիկինը Մնանգագվային կասկածում էր զինվորական հեղաշրջում նախապատրաստելու մեջ: Շուտով պաշտոնից հեռացվելուց հետո Մնանգագվան երկրից հեռացել էր՝ հայտարարելով, որ վախենուևմ է իր եւ իր ընտանիքի կյանքի անվտանգության համար:

Սակայն Մնանգագվային հեռացնելուց կարճ ժամանակ անց Զիմբաբվեի Պաշտպանության ուժերի զինվորականները երկրի նախագահ Մուգաբեին տնային կալանքի տակ էին վերցրել, ինչպես նաեւ վերահսկողություն էին հաստատել երկրի պետական հեռարձակող ZBC կորպորացիայում եւ օդանավակայանում:

!
Այս նյութը հասանելի է նաև   English and Русский
Տպել
Ամենաշատ