Կոպենհագենում՝ԵԽԽՎ բյուրոյի նոյեմբերի 23-ին կայացած նիստում, որոշում է կայացվել երկարաձգել ԵԽԽՎ-ում կոռուպցիոն վերջին իրադարձությունները հետաքննող անկախ մարմնի գործունեությունը մինչեւ 2018 թվականի ապրիլի 15-ը։ Այս մասին հայտնել է ԵԽԽՎ-ում Հայաստանի պատվիրակության ղեկավար, ՀՀ ԱԺ փոխնախագահ Արփինե Հովհաննիսյանը:
«Մինչ այդ ժամանակահատվածի ավարտը անկախ մարմինը բյուրոյին, այնուհետ՝ Վեհաժողովին կներկայացնի իր զեկույցը։ Հիշեցնեմ, որ անկախ մարմինը ստեղծվել էր ամիսներ առաջ ԵԽԽՎ որոշմամբ, եւ նախատեսվում էր, որ զեկույցը պետք է ներկայացվեր Վեհաժողովին մինչեւ 2018 թվականի հունվարը»,-գրել է նա Facebook-ի իր էջում: