Եգիպտոսի Սինայի թերակղզում ուրբաթ մզկիթի վրա գրոհայինների հարձակման հետեւանքով զոհվել է առնվազն 50 մարդ, հայտնում է Sky News Arabia–ն։

Հեռուստաալիքի տեղեկություններով՝ հարձակումն իրականացվել է Էր Ռաուդա բնակավայրում ուրբաթօրյա աղոթքի ժամանակ։ Զոհերի մեծ մասը խաղաղ բնակիչներ են։ Սպանվածների թվում կան ժամկետային զինվորներ։

Ըստ ստացվող տեղեկությունների՝ ահաբեկիչները սկզբում աղոթողների շրջանում պայթուցիկ սարք են գործի դրել, իսկ հետո նրանց ուղղությամբ կրակ բացել։