Նոյեմբերի 22-ին, ժամը 18.40-ին, ոստիկանության Երեւան քաղաքի վարչության օպերատիվ կառավարման կենտրոն էր զանգահարել 59-ամյա Ջուլետա Մ.-ն եւ հայտնել, որ նույն օրը, ժամը 17.45-ից 18.00-ն ընկած ժամանակահատվածում, թիվ 50 երթուղու միկրոավտոբուսի սրահում իր պայուսակից գողացել են դրամապանակը, որի մեջ եղել է 5.000 ռուբլի:
Ոստիկանության մամուլի ծառայությունից NEWS.am-ին հայտնում են, որ ոստիկանության Նոր Նորքի բաժնի ծառայողները պարզել են, որ նշված գողությունը կատարել է 1957 թ. ծնված Աննման Ա.-ն, որը բացատրական աշխատանքների շնորհիվ, նոյեմբերի 23-ին, ժամը 11.20-ին, ինքնակամ ներկայացել է բաժին եւ տվել խոստովանական բացատրություն:
Գողոնն առգրավված է:
Կատարվում է քննություն:
