Բաթումիում հինգ աստղանի «Լեոգրանդ» հյուրանոցում հրդեհի զոհերի թվում հայեր չկան: Այս մասին NEWS.am-ին հայտնեց Վիրահայոց թեմի Բաթումիի Սուրբ Փրկիչ եկեղեցու հովիվ Տեր Արարատ քահանա Գումբալյանը:
«Մեր հասած տվյալներով զոհերի թվում հայեր չկան, զոհերից 10-ը Վրաստանի քաղաքացիներ են, մեկը Իրանի քաղաքացի»,-ասաց նա:
Ավելի վաղ հայտնել էինք, որ «Բաթումիում հինգ աստղանի «Լեոգրանդ» հյուրանոցում, նախնական տվյալներով, հրդեհի հետեւանքով 12 մարդ է զոհվել: Փրկարարները եւ ոստիկանները կարողացել են շենքից դուրս բերել ավելի քան 100 մարդու: Նրանց թվում կան ինչպես հյուրանոցի բնակիչներ, այնպես էլ հյուրանոցի աշխատակիցներ: Տարբեր ծանրության թունավորումներով հյուրանոցում գտնվող մարդիկ տեղափոխվել են Բաթումի կլինիկաներ», - նշված է Վրաստանի ՆԳՆ հաղորդագրության մեջ:
Նշենք, որ հյուրանոցում նաեւ «Միսս Վրաստան» մրցույթի մասնակիցներն են գտնվել, սակայն նրանցից ոչ մեկը չի տուժել:
Ներկա պահին «Լեոգրանդ» հյուրանոցի հրդեհը մարվել է:
