Անհայտ անձինք Մոսկվայի «Եվրոպական ստանդարտ» բանկից 5 մլն դոլար են գողացել, հայտնում է ՌԲԿ–ն՝ վկայակոչելով ՌԴ ՆԳՆ Մոսկվայի վարչությունում իր աղբյուրները։ «Կորուստը հայտնաբերել են բանկի աշխատակիցները։ Պահոցին ոչ մի վնաս չի հասցվել»,– ասել է պարբերականի զրուցակիցը։
Ոստիկաններին կողոպուտի մասին հայտնել էին նոյեմբերի 24-ին։ ՌԲԿ–ի տեղեկություններով՝ «Եվրոպական ստանդարտ» բանկը Գլոբէքսբանկից 295 մլն ռուբլով էր ձեռք բերել այդ գումարը։ Հարուցվել է քրեական գործ։