Ոստիկանությունը չի նկատել Բեռլինում 2016-ի դեկտեմբերին սուրբծննդյան տոնավաճառում տեղի ունեցած ահաբեկչության հեղինակ Անիս Ամրիից ահաբեկչությունից մի քանի ամիս առաջ առգրավված հեռախոսում եղած լուսանկարը, որում նա սառը զենք ու հրազեն է ունեցել, հայտնում է DW–ն։
Ինչպես հայտնել է դարձել, 2016-ի փետրվարի 18-ին ոստիկանությունն առգրավել էր Ամրիի հեռախոսը, որում պահվել են լուսանկարներ, որոնցում երեւում է, թե ինչպես է թունիսցին ձեռքում պահում ատրճանակ, դանակ եւ մաչետե։ Ընդ որում, Քրեական ոստիկանության դաշնային գերատեսչությունը չի բացառում, որ հենց այդ ատրճանակի միջոցով է Ամրին սպանել բեռնատարի լեհ վարորդին, որի տրանսպորտային միջոցով նա մխրճվել էր բազմության մեջ։
Սակայն ավտոմատացված ծրագիրը բաց էր թողել այդ լուսանկարները վատ որակի պատճառով։ Հյուսիսային Հռենոս–Վեսթֆալիա դաշնային հողի ՆԳ նախարար Հերբերթ Ռոյլը կատարվածը սխալմունք էր անվանել, որը չպետք է տեղի ունենար։ Միաժամանակ նշվում է, որ անգամ եթե ոստիկանները նկատեին Ամրիի լուսանկարները, դա բավարար հիմք չէր լինի նրան ձերբակալելու համար, ասել է Ռոյլը։
