ՌԴ վարչապետ Դմիտրի Մեդվեդեւը հայտարարել է, որ ներկա պահին իրեն որպես ՌԴ նախագահի թեկնածու չի տեսնում, փոխանցում է Gazeta.ru-ն:
«Ինչ ինձ է վերաբերում, ապա ընթացիկ քաղաքական ժամանակահատվածում ես ինձ որպես այդպիսին չեմ տեսնում», - ռուսական լրատվամիջոցներին ուղիղ եթերում տված հարցազրույցում ասել է նա՝ պատասխանելով հարցին, թե պատրաստ է արդյոք ինքը նախագահական ընտրություններում առաջադրվել:
«Բայց աշխատել, ես, բնականաբար, կշարունակեմ», - հավելել է վարչապետը:
Մեդվեդեւն ասել է, որ իրեն երջանիկ է համարում, քանի որ զբաղվում է սիրելի գործով:
Վարչապետն արդեն նշել է, որ «Եդինայա Ռոսիան» , անկասկած կաջակցի ՌԴ նախագահ Վլադիմիր Պուտինին, եթե նա որոշի մասնակցել պետության ղեկավարի ընտրություններին: