News
Լրահոս
News
Կիրակի
Հոկտեմբեր 25
USD
494.01
EUR
585.25
RUB
6.47
ME-USD
0.01
Տեսնել լրահոսը

Ucom ընկերությունը դեկտեմբերի 1-ից իր շարժական կապի բաժանորդների համար գործարկեց VoLTE (Voice over LTE, ձայնը LTE ցանցի միջոցով) տեխնոլոգիայի օգնությամբ զանգեր կատարելու հնարավորությունը։ Այսօր այսպիսի հնարավորություն ունեն մոտ երեք տասնյակ երկրներ:

«Երբ Viber-ով եք զանգահարում, հավանաբար, նկատել եք, որ զանգն արագ է կատարվում: Հիմա 4G ցանցում զանգն է՛լ ավելի արագ կկատարվի VoLTE-ի միջոցով: Սա է հիմնական առավելությունը: Մեր շնորհիվ Հայաստանն այսօր տվյալների փոխանցման արագությամբ 95-րդ հորիզոնականից 51-րդ տեղում է հայտնվել, եւ մենք այս ցուցանիշով չենք բավարարվի: 2009 թվականին Հայաստանի շուկա մտնելով՝ մենք փոխել ենք ֆիքսված ինտերնետի որակը, հիմա փոխում ենք շարժական ինտերնետի որակը»,- լրագրողների հետ հանդիպմանն ասաց Ucom ընկերության գործադիր տնօրեն Հայկ Եսայանը:

Ucom ընկերության մարկետինգի եւ հաղորդակցության գծով տնօրեն Տիգրան Սաֆարյանը նշեց, որ Ucom ընկերությունը 4G+ տեխնոլոգիան 2016 թվականին է ներդրել, եւ այդ ժամանակ ծածկույթն ընդգրկում էր միայն Երեւանն ու Գեղարքունիքի մարզի մի մասը: Այսօր ծածկույթը կազմում է երկրի տարածքի 65 տոկոսը, եւ ընդգրկում է բնակչության գրեթե 88 տոկոսը, իսկ 2018-ի ապրիլին ծածկույթը կկազմի երկրի տարածքի 88 տոկոսը եւ բնակչության 98 տոկոսը: Ամենուր, որտեղ առկա է Ucom-ի 4G+ ծածկույթ, VoLTE–ին միանալու հնարավորություն ունեցող սմարթֆոնների համար այս կապը հասանելի կլինի:

VoLTE տեխնոլոգիան հնարավորություն է տալիս 2 հեռախոսների միջեւ կապ հաստատել զգալիորեն ավելի կարճ ժամանակահատվածում (2 վայրկյանում, 3G ցանցի 6-10 վայրկյանի փոխարեն), ապահովում է ձայնի ավելի բարձր որակ (HD), ըստ որում՝ զանգն ստանալու պահին համացանցով տեղեկությունների փոխանցման գործընթացը չի ընդհատվում: Բանն այն է, որ 2G եւ 3G տեխնոլոգիաները ստեղծվել են ձայնի փոխանցման համար (թվային ռադիոկապ), այնուհետեւ դրանց ավելացրել են ինտերնետը: LTE տեխնոլոգիան ստեղծված է ինտերնետի համար, իսկ VoLTE-ն LTE-ին ձայն է ավելացնում, սա ինտերնետի միջոցով ձայնի փոխանցման տեխնոլոգիա է:

Այսինքն՝ VoLTE ցանցում զանգ ստանալիս հեռախոսն այլեւս 4G ցանից ավտոմատ անցում չի կատարում 3G ցանցին, անհրաժեշտ չէ դադարեցնել վեբկայքերի դիտումը կամ համացանցում այլ ակտիվությունը: Ավելին՝ եթե զանգն ստանալու պահին հեռախոսն օգտագործվում է ինտերնետն այլ սարքերին տարածելու համար, ապա մյուս սարքերի վրա ինտերնետի արագությունը չի նվազում:

Ինչպես լրագրողների հետ զրույցում նշեց Ucom ընկերության տեխնիկական գծով տնօրեն Գեւորգ Գեւորգյանը, Voice over LTE-ն կբերի նրան, որ որոշ թերություններ, որոնք բաժանորդները նկատել են LTE ցանցում, կվերանան։ «Դուք նկատած կլինեք, որ երբ հեռախոսով տեղի է ունենում LTE տվյալների փոխանցում, եւ այդ ժամանակ ձեր հեռախոսին զանգ է գալիս, ապա հեռախոսը LTE տեխնոլոգիայից անցնում է 3G, դուք խոսում եք, վերջացնում եք, եւ եթե դրանից հետո տվյալների փոխանցման սեսիան դեռ կա, այն մնում է 3G այնքան ժամանակ, մինչեւ սեսիան ավարտվի։ Բնականաբար, 3G-ում արագություններն անհամեմատ ավելի ցածր են, քան 4G-ում, եւ եթե դուք բջջայինի ինտերնետը տարածել եք այլ սարքերի վրա, այդ արագության անկումը զգում եք։ Այս դեպքում հեռախոսը չի անցնելու 3G-ի, մնալու է 4G-ում, բոլոր տվյալների փոխանցման սեսիաները շարունակվելու են 4G-ում ու պահպանելու են բարձր արագությունը, որը մեր 4G+ ցանցն ապահովում է։ 4G ձայնը փոխանցվում է ինտերնետ պրոտոկոլներով, ձայնի որակն անհամեմատ բարձր է, HD որակ է»,- ասաց նա։

Խոսելով այն մասին, թե Հայաստանում որքան մարդ հնարավորություն կունենա օգտվել այդ կապից, Ucom ընկերության գործադիր տնօրեն Հայկ Եսայանը նշեց. «Եթե հաշվի առնենք, որ այսօր բնակչության մոտ 65 տոկոսն ունի LTE հեռախոսներ, այսինքն՝ սմարթֆոններ, սմարթֆոններից կարծում ենք 15-20 տոկոսն արդեն այդ ծառայությունից կունենան»։

Գործադիր տնօրենը նաեւ հայտնեց, որ VoLTE օգտագործող սմարթֆոնները ցանցին ավտոմատ կմիանան: Ներկայումս Ucom ընկերությունը բանակցություններ է վարում բջջային հեռախոսների խոշորագույն արտադրողների հետ, որպեսզի նրանք իրենց ծրագրային թարմացման մեջ ընդգրկեն VoLTE պրոտոկոլը: «Առաջինը կունենանք պայմանավորվածություն Apple եւ Samsung ընկերությունների հետ, եւ հետո մյուս հեռախոսներն էլ ավտոմատ կակտիվացվեն»,- ասաց նա։

Ընկերությունը հեռախոսների տերերին կարճ հաղորդագրությամբ կտեղեկացնի VoLTE-ի ափգրեյդների մասին:

Նշենք, որ նոր տեխնոլոգիան չի ազդի ընկերության գնային քաղաքականության վրա, սակագները չեն փոփոխվի:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Facebook-ը եւ Twitter-ը ցուցմունքներ կտան` սոցցանցերում Հանթեր Բայդենի մասին հոդվածի արգելափակման վերաբերյալ
«Լսումները կենտրոնացած կլինեն հարթակի գրաքննության եւ New York Post-ի հոդվածների ճնշման վրա եւ արժեքավոր հնարավորություն կստեղծեն վերլուծել ընկերությունների` 2020 թվականի ընտրություններին նախապատրաստման հետ կապված աշխատանքը...
WhatsApp-ում գործառույթ կհայտնվի, որը կպաշտպանի օգտատիրոջ նամակագրությունը
Նման գործառույթը նախկինում հասանելի էր միայն iOS-ով աշխատող եւ Face ID հաղորդիչներով սարքերի տերերին․․․
2019-ի հուլիսից ի վեր առաջին անգամ բիթքոինը դանդաղեցրել է աճի տեմպերը
Բիթքոինի արժեքը թանկացել է 4.69 տոկոսով` կազմելով 12 804 դոլար...
Կորեացի գործարարն իր բիզնեսը տեղափոխել է Հայաստան եւ մտադիր չէ հեռանալ (ֆոտո)
Ընկերությունում բոլորը լավատես են այն հարցում, որ պատերազմը շուտով կավարտվի...
ՀՏՖ-ն նոր տեխնոլոգիաների պատճառով 85 միլիոն աշխատողի կորուստ է կանխատեսել
Սակայն նույն ժամանակահատվածում կարող է շուրջ 97 միլիոն նոր աշխատատեղ հայտնվել...
Բիթքոինի արժեքն աճում է միջինում 4 տոկոսով
Binance բորսայում բիթքոինը թանկացել է 3.98 տոկոսով եւ հասել 12259 ԱՄՆ դոլարի...
Ամենաշատ