Հայաստանի եւ Եվրամիության միջեւ Համապարփակ եւ ընդլայված գործընկերության մասին համաձայնագիրը երկրի համար աննախադեպ է ինչպես իր բովանդակությամբ, այնպես էլ իրական հնարավորություններով: Այս մասին դեկտեմբերի 1-ին ԱԺ-ում արտաքին հարաբերությունների եւ եվրոպական ինտերգրման հանձնաժողովների համատեղ նախաձեռնությամբ, ինչպես նաեւ «Կոնրադ Ադենհաուերի» հիմնադրամի հայաստանյան բաժանմունքի աջակցությամբ անցկացվող լսումների ժամանակ ասաց քաղաքագետ Տիգրան Թորոսյանը:
Նրա խոսքով՝ միեւնույն ժամանակ, այն չափազանց կարեւոր նշանակություն ունի հետխորհրդային տանսֆորմացիայի գործընթացի տեսակետից: «Որովհետեւ ավելի քան 20 երկրից երկար ժամանաշրջանի ընթացքում սա միակ դեպքն է, երբ ինտեգրացիա է կատարվում միաժամանակ 2 ուղղություններով»,- պարզաբանեց Թորոսյանը՝ հավելելով, որ համաձայնագիրը լայն հնարավորություններ է ընձեռում: Նա միաժամանակ կարծում է, որ Հայաստանի առջեւ նոր, բավականին լուրջ մարտահրավերներ կկանգնեն:
Հիշեցնենք, որ Հայաստանի եւ ԵՄ միջեւ Համապարփակ եւ ընդլայնված գործընկեորության շրջանակային համաձայնագիրը ստորագրվել է նոյեմբերի 24-ին Բրյուսելում: