Սաուդյան Արաբիայի գլխավորած կոալիցիան պետք է ամբողջությամբ դադարեցնի Եմենի շրջապատումը, որտեղ մի քանի հարյուր մարդ սովի եզրին է: Այս մասին հայտարարել է ՄԱԿ գլխավոր քարտուղարի հումանիտար հարցերով տեղակալ Մարկ Լոուքոկը, փոխանցում է Reuters-ը:
«Շրջապատումը մասամբ հանվել էր, սակայն անհրաժեշտ է ամբողջությամբ դադարեցնել, որպեսզի խուսափենք հրեշավոր հումանիտար ողբերգությունից, որը կարող է բերել միլիոնավոր մարդկանց մահվան, եւ որի նմանը աշխարհը շատ տասնամյակներ չի տեսել»,- ասել է նա:
Նոյեմբերի 22-ին Սաուդյան Արաբիան ՄԱԿ-ին տեղեկացրել էր Եմենի շրջապատումը դադարեցնելու մասին, որը մտցվել էր նոյեմբերի սկզբին ի պատասխան Էր Ռիադի հրթիռակոծության: Բոլոր օդանավակայանների եւ ծովային նավահանգիստների, ինչպես նաեւ ցամաքային սահմանների փակումը Էր Ռիադը եւ նրա դաշնակիցները պատճառաբանել էին Իրանից ամստամբներին զենքի մատակարարումը կանխելու անհրաժեշտությամբ:
