Հայաստանը կարողացավ իր արտաքին քաղաքականությունը դիվերսիֆիկացնել: Այս մասին դեկտեմբերի 1-ին ԱԺ-ում արտաքին հարաբերությունների եւ եվրոպական ինտերգրման հանձնաժողովների համատեղ նախաձեռնությամբ, ինչպես նաեւ «Կոնրադ Ադենհաուերի» հիմնադրամի հայաստանյան բաժանմունքի աջակցությամբ անցկացվող լսումների ժամանակ ասաց Հանրապետական խմբակցության պատգամավոր Միհրան Հակոբյանը:
Նրա գնահատմամբ՝ փաստաթուղթը շատ կարեւոր է: «Ժամանակակից աշխարհում շատ են խոսում այն մասին, որ շահում են այն երկրները, որոնք դիվերսիֆիկացնում են իրենց տնտեսությունը, բայց քիչ են խոսում այն մասին, որ շահում են նաեւ այն երկրները, որոնց հաջողվում է դիվերսիֆիկացնել իրենց արտաքին քաղաքականությունը»,- նշեց Հակոբյանը՝ հավելելով, որ Հայաստանի արտաքին քաղաքականությունը կարողացավ դիվերսիֆիկացիայի այդպիսի փուլ անցնել:
Հիշեցնենք, որ Հայաստանի եւ ԵՄ միջեւ Համապարփակ եւ ընդլայնված գործընկեորության շրջանակային համաձայնագիրը ստորագրվել է նոյեմբերի 24-ին Բրյուսելում: