Մեծ Բրիտանիայի փոխվարչապետ Դամիան Գրինի համակարգչում հազարավոր լեգալ պոռնոգրաֆիկ լուսանկարներ են հայտնաբերել, հայտնում է BBC–ն։
Սքոթլենդ Յարդի նախկին դետեկտիվ Նեյլ Լյուիսի խոսքով՝ Գրինի համակարգիչն ուսումնասիրել են 2008–ին կառավարությունից տեղեկատվական արտահոսքի ժամանակ եւ հայտնաբերել հազարավոր լուսանկարներ։
Գրինի նկատմամբ հետաքննություն է ընթանում պահպանողական ակտիվիստ Քեյթ Մալթբիի նկատմամբ անպարկեշտ վարքագիծ ցուցաբերելու գործով։ Կնոջ խոսքով՝ հանդիպումներից մեկի ժամանակ փոխվարչապետը ձեռքը դրել է իր ծնկին։ Իսկ մեկ տարի անց հաղորդագրություն էր ուղարկել Մալթբիին՝ ասելով, որ նա կորսետով ցնցող տեսք ունի։ Գրինն ինքը հերքում է այդ մեղադրանքները։