News
Լրահոս
News
Ուրբաթ
Օգոստոս 07
USD
485
EUR
573.17
RUB
6.58
ME-USD
0.02
Տեսնել լրահոսը

ԵՄ-ին բալկանյան երկրների միացումը արմատապես չի ազդի այդ պետությունների հետ Մոսկվայի հարաբերությունների վրա։ Այս մասին NEWS.am-ի թղթակցի հետ զրույցում ասել է Ռուսաստանի գիտությունների ակադեմիայի համաշխարհային տնտեսության ու միջազգային հարաբերությունների ինստիտուտի ավագ գիտաշխատող, քաղաքագետ, թուրքագետ Վիկտոր Նադեին- Ռաեւսկին։

Նրա խոսքով, ամենից քիչ դրանք կտուժեն, եթե ԵՄ-ին անդամակցի Ալբանիան, քանի որ Կրեմլը, ըստ էության, Տիրանայի հետ հարաբերությունների բարելավման որեւէ հույս չունի ։ «Առավել եւս, որ մեծ հաշվով, այն Եվրոպայի սեւ խոռոչն է՝ դրանից բխող բոլոր մաքսանենգային գործերով, օրինակ թմրադեղերի առեւտրով եւ այլն»,- պարզաբանել է Նադեին –Ռաեւսկին, հավելելով, որ այդ երկրի տնտեսության վիճակը հեռու է այն իդեալներից, որոնք ԵՄ-ն է դավանում։

Միաժամանակ փորձագետը նշել է, որ այդ երկրների միացումը կարող է ավելի շատ Թուրքիայի դժգոհությունն առաջացնել, քան Ռուսաստանի, քանի որ Անկարան արդեն վաղուց է «հերթ կանգնած» ԵՄ-ին անդամակցելու իրավունքի համար։ Սա, Ռաեւսկու կարծիքով, ստիպում է թուրքերին վերանայել ԵՄ-ի նկատմամբ իրենց վերաբերմունքն ու մոտեցումը։ Սակայն փորձագետի կարծիքով այս իրավիճակը արմատապես չի փոխվի։ ԵՄ-ում շատ բան, ըստ Նադեին- Ռաեւսկու, կախված է Գերմանիայի ներքաղաքական դրությունից, որը եվրոպական տնտեսության շարժիչ ուժն է համարվում։

Հիշեցնենք, որ հարեւանության ու ընդլայնման քաղաքականության հարցերով եվրահանձնակատար Յոհաննես Հանը նոյեմբերի 28-ին հայտնել է, որ անդամ պետությունները պատրաստ են դիտարկել ԵՄ-ին Բալկանյան տարածաշրջանի նոր երկրների միացման հարցը։ Հոկտեմբերի վերջին ԵՀ ղեկավար Ժան Կլոդ Յունկերը հայտնել է, որ Արեւմտյան Բալկանների երկրների համար անհրաժեշտ է պահպանել ԵՄ-ին միանալու հեռանկարը՝ հանուն ընդհանուր Եվրոպայի անվտանգության։ ԵՀ ղեկավարը ավելի վաղ հայտնել էր, որ 2019-2024 թթ․ ակնկալում է ԵՄ ընդլայնում։ ԵՄ-ն արդեն անդամակցության թեկնածուների կարգավիճակ է տրամադրել Ալբանիային, Մակեդոնիային, Սերբիային ու Չերնոգորիային։ 2016-ի փետրվարին ԵՄ-ին միանալու պաշտոնական հայտ է ներկայացրել նաեւ Բոսնիա եւ Հորցոգովինան։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը