Ահաբեկչության սպառնալիքը, որը բխում է Աֆղանստանից, Ռուսաստանի համար շատ մեծ է։ Այս մասին NEWS.am–ի հետ զրույցում ասել է Քաղաքական եւ եւ ռազմական վերլուծությունների ռուսական ինստիտուտի փոխտնօրեն Ալեքսանդր Խրամչիխինը։
Փորձագետի կարծիքով դա պայմանավորված է այն հանգամանքով, որ Աֆղանստանից եկող սպառնալիքը մեծ վտանգ է ներկայացնում Կենտրոնական Ասիայի երկրների համար, որոնք առանց Ռուսաստանի անմիջական աջակցության եւ միջամտության չեն կարող ապահովել իրենց անվտանգությունն ու ահաբեկիչներին հակահարված հասցնել։ «Անգամ Ղազախստանը դժվար թե կարողանա պաշտպանվել, իսկ մյուսների մասին անգամ չեմ էլ խոսում»,– հավելել է Խրամչիխինը։
