Նիգերիայի հյուսիս-արեւելքում՝ Բորնո նահանգի Բիու քաղաքի շուկայի վրա մահապարտ ահաբեկիչի հարձակման արդյունքում առնվազն 12 մարդ է զոհվել: Այս մասին հայտնում է Reuters գործակալությունը:

«Սպանվածներից 8-ը տղամարդ են եւ 4-ը՝ կին», - գործակալությանն հաղորդել է տեղի համայնքի ղեկավար Ալիյա Իդրիսը: «Պայթյունը որոտացել է այն ժամանակ, երբ հումանիտար օգնություն տրամադրող աշխատակիցները զբաղված էին «Բոկո Հարամ»-ի գործունեությունից տուժած մարդկանց օգնության տրամադրմամբ»: 

Ինչպես նշում է Reuters-ը, հղում կատարելով բժշկական հաստատության ներկայացուցչին, գրանցվել է 15 զոհ եւ 47 վիրավոր:

Հանցագործության կատարման մեջ կասկածվում է «Բոկո Հարամ» ծայրահեղական խմբավորումը։