Միացյալ Նահանգները աջակցում են Եգիպտոսին եւ Եգիպտոսի բանակին ահաբեկչության դեմ պայքարում եւ կշարունակեն աշխատել Կահիրեի հետ Մերձավոր Արեւելքում լիարժեք խաղաղություն հաստատելու համար: Այս մասին Եգիպտոսի պաշտպանության նախարար Սիդկի Սուբխիի հետ բանակցություններում, որոնք տեղի են ունեցել Եգիպտոսի մայրաքաղաքում հայտարարել է ԱՄՆ պաշտպանության նախարար Ջեյմս Մաթիսը, հաղորդում է ՏԱՍՍ-ը:
Պենտագոնի ղեկավարը նաեւ նշել է, որ Վաշինգթոնը «կշարունակի երկրների միջեւ ամրապնդել համագործակցությունը` տարածաշրջանում կայունության վերականգնման համար»: Նշվում է, որ հանդիպման ընթացքում նախարարները քննարկել են տարածաշրջանային եւ միջազգային խնդիրներ, ինչպես նաեւ «երկկողմ ռազմական համագործակցության, համատեղ զորավարժությունների անցկացման եւ որոշակի ոլորտներում փորձի փոխանակման մասին հարցեր»:
Եգիպտոս կատարած այցով ԱՄՆ պաշտպանության նախարարը սկսել է իր աշխատանքային այցը Մերձավոր Արեւելքի, Աֆրիկայի եւ Հարավային Ասիայի երկրներ: Դեկտեմբերի 3-ին Պենտագոնի ղեկավարը մեկնելու է Հորդանան, մասնակցելու ահաբեկչության դեմ պայքարին նվիրված հանդիպմանը, որը տեղի կունենա թագավոր Աբդալլա II- ի կողմից: