Ռուսաստանը հետեւում է ՄԱԿ Անվտանգության խորհրդի կողմից ԿԺԴՀ նկատմամբ կիրառած պատժամիջոցներին: Այդ մասին հայտարարել է ՌԴ ԱԳ նախարար Սերգեյ Լավրովը, հաղորդում է «ՌԻԱ Նովոստին»:
«Մենք հետեւում ենք կիրառված պատժամիջոցներին», - Բելառուսի ՍՏՎ հեռուստաընկերությանը տված հարցազրույցում ասել է նա:
Ավելի վաղ ՄԱԿ Անվտանգության խորհուրդը միաձայն ԿԺԴՀ դեմ նոր պատժամիջոցներ էր կիրառել, ինչը զգալիորեն սահմանափակել է Փհենյանի արտահանման եւ ներկրման հնարավորությունները: 2375 բանաձեւը 21-րդ դարում ՄԱԿ ամենախիստ պատժամիջոցների ռեժիմն է սահամնել:
Պատասխանելով հարցին՝ արդյոք ՀԱՊԿ-ը պետք է Կորեայի թերակղզում տիրող իրավիճակով անհանգստանա, Լավրովը նշել է, որ սկզբունքորեն կազմակերպությունն ունի միասնական դիրքորոշում այս հարցում:
«Մենք չենք ընդունում միջուկային զենքի տիրապետման ԿԺԴՀ պահանջները: ՀԱՊԿ բոլոր երկրները աջակցում են ՄԱԿ Անվտանգության խորհրդի բանաձեւերին », - ասել է նախարարը: