ՆԱՍԱ-ն Յուպիտերի հյուսիսային կիսագնդի վրա ամպերի լուսանկար է հրապարակել, որը Juno զոնդն է նկարահանել՝ մոտ 18,9 հազար կիլոմետր մոտենալով ամպերի վերին շերտերին, հաղորդում է ՌԲԿ-ը՝ հղում անելով կազմակերպության մամուլի ծառայությանը:

Լուսանկարն արվել է հոկտեմբերի 24-ին՝ առավորտյան ժամը 10:24 PDT: Լուսանկարելու պահին տիեզերանավը գտնվել է 57,57 աստիճան լայնությունում: Լուսանկարի մասշտաբը 12,5 կմ/պիքսել է:

Juno հոտազոտական զոնդով Atlas V հրթիռակիրը Կանավերալ հրվանդանից  դեպի Յուպիտեր է թռել 2011-ի օգոստոսին: Դա ամերիկյան New Frontiers ծրագրի երկրորդ առաջադրանքն էր: Զոնդը Յուպիտերի ուղեծիր է դուրս եկել 2016-ի հուլիսի 5-ին: Դրանից հետո սարքը մոլորակի  առաջին լուսանկարն է արել: Այդ տարվա օգոստոսին Juno-ն մաքսիմալ մոտեցել է Յուպիտերին՝մթնոլորտի վերին շերտից շարժվելով 4,2 հազար կիլոմետր հեռավորությամբ:

Սարքն ուսումնասիրում է Յուպիտերի գրավիտացիոն եւ մագնիսական դաշտերը եւ պետք է ստուգի մոլորակի կարծր միջուկի առկայության թեզը: Զոնդն ուսումնասիրում է Յուպիտերի մթնոլորտը եւ ջրի փնտրտուքներով զբաղվում:

Reuters-ի գնահատմամբ՝  նախագծի արժեքը կազմել է 1միլիարդ դոլար: