Շնաուցեր ցեղատեսակի Շերլոկ անունով շունն ապրում է Ավստրալիայում։ Մինչեւ վերջերս նա անօթեւան էր: Նրան Մաքքեյ ընտանիքը վերցրել էր ապաստարանից, որտեղ Շերլոկը վերականգնվում էր։ Խնդիրն այն է, որ Շերլոկը ալբինոս է, իսկ նրան թույլ չի տրվում երկար ժամանակ գտնվել ավստրալական թեժ արեւի տակ։ Այս մասին հայտնում է Metro-ն։
Ձյունաճերման Շերլոկի մշտական ուղեկիցներն են բժշկական քսուքները եւ արեւային ակնոցները: Վերջին աքսեսուարի շնորհիվ էլ շնաուցերը դարձել է Instagram-ի աստղը:
Վերջերս շունը մոդելային պայմանագիր է կնքել Մելբուռնում գտնվող մի գործակալության հետ: Շերլոկի սեփականատերերը նշում են, որ շնաուցերին անհրաժեշտ է պատշաճ խնամք եւ հոգատարություն, որպեսզի նա կարողանա խաղալ մաքուր օդում եւ իրեն թերարժեք չզգա: Շանն արեւից պաշտպանելու համար Շերլոկին պարզ եղանակներին ցերեկները երբեք չեն հանում զբոսանքի։ Զբոսանքից առաջ շնաուցերին արեւապաշտպան քսուք են քսում եւ ակնոց հագցնում, որպեսզի նրա աչքերը չցավեն։