Հարավային Կովկասում ռուս-թուրքական դիմակայությունը ոչ մի տեղ չի անհետացել: Այս մասին դեկտեմբերի 4-ին լրագրողների հետ հանդիպման ժամանակ ասաց Հայաստանի ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը:
Նրա խոսքով՝ Ռուսաստանը Հարավկովկասյան տարածաշրջանը դիտարկում է իր աշխարհաքաղաքական շահերի տիրույթում: «Միեւնույն ժամանակ Թորքիան ցանկանում է Հարավային Կովկասում իր դիրքերն ամրապնդել՝ դրա համար տարբեր հնարավորություններ օգտագործելով»,- պարզաբանեց փորձագետը՝ հավելելով, որ Ռուսաստանը ոչ մի գործողություն չի ձեռնարկի, որն այս կամ այն կերպ վնաս կհասցնի Հայաստանի շահերին, քանի որ այս ենթատեքստում տարածաշրջանում Ռուսաստանի համար Հայաստանի դերն ու նշանակությունը մեծանում է, եւ հետեւաբար՝ նա այս հարցում ուղղակի շահագրգռված չէ:
Սաֆրաստյանը նշեց, որ դրանից զատ, Ռուսաստանը կամրապնդի Հայաստանի հետ իր դաշնակցային հարաբերությունները, քանի որ վերջինը, արեւելագետի խոսքով, Հարավային Կովկասում իր «վերջին պլացդարմն է»:
