Մեծ Բրիտանիայի վարչապետ Թերեզա Մեյը brexit-ի հարցով բանակցություններում կոշտ գործընկեր է: Այս մասին հայտարարել է Եվրահանձնաժողովի նախագահ Ժան Կլոդ Յունկերը՝ հավելելով, որ համաձայնագրի բացակայությունը (brexit-ի հարցով՝ ԵՄ եւ Լոնդոնի միջեւ) «անհաջողություն» չէ, հաղորդում է Reuters-ը:
Չնայած Մեյի Բրյուսել կատարած այցի ընթացքում գրանցված աննշան առաջընթացին՝ Յունկերը նշել է, որ մնացել է 2 կամ 3 հարց համաձայնեցնել:
«Մենք կառուցողական եւ անկցեղծ հանդիպում ենք ունեցել: Նա կոշտ բանակցող է, նրա հետ հեշտ չէ: Նա եռանդուն պաշտպանում է Բրիտանիայի տեսակետը», - ասել է նա:
«Չնայած մեր ջանքներին եւ մեր թիմերի կողմից գրանցած նշանակալի առաջընթացին, վերջին մի քանի օրվա ընթացքում մնացած հարցերի շուրջ դեռեւս անհնար է լիարժեք համաձայնության գալ», - ասել է Յունկերը՝ հավելելով, որ նա դեռ վստահ է, որ մինչեւ հաջորդ շաբաթվա ԵՄ անդամ երկրների գագաթաժողովը համաձայնության կգան:
Թերեզա Մեյնն իր հերթին վստահություն է հայտնել Եվրամիության հետ համաձայնագիր կնքելու մասին՝ չնայած դեկտեմբերի 4-ի հանդիպման ընթացքում նշանակալի առաջընթացի բացակայությանը:
«Երկու կողմերն էլ լավ են աշխատում, մենք դժվար բանակցություններ ենք ունեցել», - ասել է նա՝ հավելելով, որ վստահ է՝ շաբաթվա վերջում դրական առաջընթաց կգրանցվի: