Վրաստանի նախկին նախագահ եւ Օդեսայի նախկին նահանգապետ Միխայիլ Սաակաշվիլիին ուժայինները ենթադրաբար հետ են քաշել շենքի տանիքից, որտեղից նա սպառնում էր ցած նետվել, փոխանցում է Lb.ua-ն:
«Սաակաշվիլիին տանիքի եզրից հետ են քաշել, հավանաբար, ուժայինները»,- նշված է հաղորդագրության մեջ:
Նշվում է նաեւ, որ իրավապահները շենքի տանիքին Միխայիլ Սաակաշվիլիին ձերբակալել են:
Սաակաշվիլիի համախոհներից Դավիդ Սակվարելիձեն երեքշաբթի առավոտյան հայտնել է, որ անհայտ անձինք կոտրել են Կիեւում Սաակաշվիլիի բնակարանի դուռը: Լրատվամիջոցների տեղեկություններով՝ իրավապահները նրան այցելել էին խուզարկություն կատարելու քաղաքական գործչի ակցիաների ֆինանսավորման վերաբերյալ քրեական գործի շրջանակում: Սաակաշվիլին բարձրացել է 8-հարկանի շենքի տանիք եւ սպառնացել է ցած նետվել:
