Ուկրաինայի իրավապահ մարմինները Օդեսայի նախկին նահանգապետ Միխայիլ Սաակաշվիլիին դուրս են բերել Կիեւի նրա բնակարանից, որի մոտ հավաքվել էին ցուցարարները։ Իրադարձություններն ուղիղ եթերով հեռարձակում է NewsOne–ը։

Ավելի վաղ Սաակաշվիլիի կուսակիցները հայտնել էին, որ նրան ձերբակալել են։

Սաակաշվիլիի համախոհներից Դավիդ Սակվարելիձեն երեքշաբթի առավոտյան հայտնել է, որ անհայտ անձինք կոտրել են Կիեւում Սաակաշվիլիի բնակարանի դուռը: Լրատվամիջոցների տեղեկություններով՝ իրավապահները նրան այցելել էին խուզարկություն կատարելու քաղաքական գործչի ակցիաների ֆինանսավորման վերաբերյալ քրեական գործի շրջանակում: Սաակաշվիլին բարձրացել է 8-հարկանի շենքի տանիք եւ սպառնացել է ցած նետվել: