News
Լրահոս
News
Ուրբաթ
Մարտ 29
Տեսնել լրահոսը

YES Armenia ծրագիրը Հայաստանի եւ ԵՄ-ի միջեւ համագործակցության հերթական լավ օրինակն է: Այս մասին այսօր՝ դեկտեմբերի 5-ին, երիտասարդ փորձագետների YES Armenia ծրագրի պաշտոնական բացման ժամանակ նշել է ՀՀ վարչապետ կարեն Կարապետյանը:

Կառավարությունից NEWS.am-ին հայտնում են, որ ծրագիրը երիտասարդ մասնագետների համար եզակի հնարավորություն է մասնակցելու երկրի զարգացման գործընթացին՝ նոր եռանդ եւ շունչ բերելով քաղաքացիական ծառայության ոլորտ, ինչպես նաեւ նպաստելով բնագավառի արդիականացմանը: 

Շնորհավորելով Եվրամիության գործընկերների եւ Ռազմավարական նախաձեռնությունների կենտրոնի համատեղ՝ երիտասարդ փորձագետների «YES Armenia» ծրագրի պաշտոնական բացման կապակցությամբ՝ վարչապետը նշել է. «Ոգեւորիչ է, որ այս ծրագրի արդյունքում պետական կառավարման ոլորտ ենք ներգրավում 20 հայ երիտասարդ, տաղանդաշատ մասնագետների՝ Հայաստանից եւ Սփյուռքից: Դուք անցել եք բարդ ընտրական գործընթացով եւ ընտրվել եք ավելի քան 300 դիմորդների միջից: Ձեզ հաջողություն եմ մաղթում: Լիահույս եմ, որ կարդարացնեք մեր ակնկալիքները, եւ դուք էլ ծրագրից կստանաք ամենը, ինչի համար որոշել եք մասնակցել դրան»: Կառավարության ղեկավարի խոսքով` YES Armenia նախագիծը Հայաստանի եւ Եվրամիության միջեւ համագործակցության հերթական լավ օրինակն է: Այն, ըստ վարչապետի, իր մեջ ներառում է կարեւոր մի քանի առաջնայնություններ՝ երիտասարդների ընդգրկում հանրային կառավարման բարեփոխումներում, սփյուռքի երիտասարդ, տաղանդաշատ կադրերի ներգրավում, պետության եւ միջազգային գործընկերոջ համատեղ ջանքերի համադրում՝ փոխադարձ կարեւորություն ներկայացնող ուղղություններով:  «YES Armenia» ծրագրով 20 հայ երիտասարդներ՝ 12-ը Հայաստանից, 8-ը սփյուռքից՝ ԱՄՆ-ից մինչեւ Չինաստան, առաջիկա մեկ տարում աշխատելու են նախարարություններում եւ այլ պետական գերատեսչություններում: Իրենց գիտելիքների ու փորձի ամենօրյա կիրառմամբ նրանք եռանդ կհաղորդեն պետական կառավարման ոլորտին՝ մասնակցելով բարեփոխումների գործընթացին կրթության ու գիտության, առողջապահության, բնապահպանության, էներգետիկայի եւ շատ այլ ոլորտներում: Ծրագիրը այս ֆորմատով առաջին փորձն է, որ իրականացնում ենք Եվրամիության գործընկերների հետ եւ հուսով եմ, որ հաջողության պարագայում այն կլինի երկարաժամկետ եւ շարունակական», - ասել է Կարեն Կարապետյանը:

Հիշեցնելով, որ մի քանի օր առաջ Հայաստանի Հանրապետությունը եւ Եվրոպական Միությունը ստորագրեցին Համապարփակ եւ ընդլայնված գործընկերության համաձայնագիրը, վարչապետ Կարեն Կարապետյանտը եւս մեկ անգամ շնորհավորել է այս կարեւոր իրադարձության կապակցությամբ՝ վստահություն հայտնելով, որ այն նոր հնարավորություններ կբացի ՀՀ-ԵՄ համագործակցության համար:

Ծրագրի մասնակիցները կաշխատեն նախարարություններում եւ այլ պետական գերատեսչություններում պետական բարձրաստիճան պաշտոնյաների հետ: Նրանք ներգրավված կլինեն տարբեր նախագծերում, այն է՝ միջին մասնագիտական կրթության նոր հայեցակարգի եւ ռազմավարության մշակում, աջակցություն քաղացիական ծառայության բարեփոխմանը, այգեգործության արդիականացում, Հայաստանում պետական եւ մասնավոր հատվածների գործընկերության (ՊՄԳ) համակարգի ստեղծում եւ այլն:

!
Այս նյութը հասանելի է նաև   English and Русский
Տպել
Ամենաշատ