Կորսիկա կղզու օդանավակայանում տեղի ունեցած հրաձգության արդյունքում սպանվել է տեղացի ավազակ Անտուան Կիլիչինին (Antoine Quilichini), որը հայտնի է նաեւ Թոնի Մսագործ անունով, հաղորդում է BFMTV հեռուստաալիքը:
Ավելի վաղ հաղորդվել էր Կորսիկա կղզու արեւելքում գտնվող Բաստիա Պորետա օդանավակայանի ավտոկայանատեղիում կատարված հրաձգության մասին:
Միջադեպի հետեւանքով մեկ մարդ է զոհվել, երկուսը վիրավորվել են: Տուժածներից մեկի վիճակը գնահատվում է ծանր, նա դեպքի վայրից հիվանդանոց է տեղափոխվել ուղղաթիռով: