ԱՄՆ նախագահ Դոնալդ Թրամփը Պաղեստինի նախագահ Մահմուդ Աբասին հայտնել է Թել Ավիվից ԱՄՆ դեսպանատունը Երուսաղեմ տեղափոխելու իր մտադրության մասին: Այս մասին ԱՄՆ եւ Պաղեստինի նախագահների հեռախոսազրույցից հետո հայտարարել է Աբասի ներկայացուցիչը, հաղորդում է Reuters-ը:
«Հեռախոսազրույցի ընթացքում ԱՄՆ նախագահ Դոնալդ Թրամփը Պաղեստինի նախագահ Մահմուդ Աբասին Թել Ավիվից ԱՄՆ դեսպանատունը Երուսաղեմ տեղափոխելու իր մտադրության մասին է հայտնել:
Աբասը զգուշացրել է այդ որոշման վտանգավոր հետեւանքների մասին, որոնք կարող են վտանգել խաղաղ գործընթացը, ինչպես նաեւ սպառնալիք հանդիսանալ տարածաշրջանի ավտանգության, կայունության, խաղաղության համար», - նշվում է հայտարարության մեջ: