ԱՄԷ-ն Սաուդյան Արաբիայի հետ նոր գործընկերություն մասին է հայտարարել՝ Պարսից ծոցի երկրների համագործակցության խորհրդից առանձին, ինչը Խորհրդի անդամ պետության՝ Կատարի հետ դիվանագիտական ճգնաժամի պայմաններում կարող է Խորհդրի գոյությանը վերջ դնել, հաղորդում է AP-ն:
Խորհրդի գագաթաժողովից մի քանի ժամ առաջ ԱՄԷ ԱԳՆ-ն հաղորդել էր, որ «համատեղ փոխգործակցության նոր հանձնաժողովը» հաստատվել է ԱՄԷ նախագահ Խալիֆ իբն Զայդ ալ Նահայանի կողմից:
Սաուդյան Արաբիան դեռ չի մեկնաբանել նոր գործընկերությունը: Արաբական Միացյալ Էմիրությունների արտաքին գործերի նախարարության հայտարարության համաձայն՝ նոր հանձնաժողովը «կհամակարգի ԱՄԷ եւ Սաուդյան Արաբիայի միջեւ համագործակցությունը բոլոր բնագավառներում` ռազմաքաղաքական, տնտեսական, առեւտրային եւ մշակութային, ինչպես նաեւ այն ոլորտների, որոնք համապատասխանում են երկու երկրների շահերին »:
Վերջին տարիներին ԱՄԷ-ն եւ Սաուդյան Արաբիան սերտ կապեր են հաստատում: ԱՄԷ Զինված ուժերը խորապես ներգրավված են Եմենում Սաուդյան Արաբիայի գլխավորած պատերազմին:
ԱՄԷ հայտարարության մեջ չի նշում՝ արդյոք Պարսից ծոցի մյուս արաբական երկրները կհրավիրվեն համագործակցության նոր ձեւաչափին, սակայն այդ զարգացումը ճնշում է գործադրում Պարսից ծոցի արաբական երկրների համագործակցության խորհրդի վրա, որում ընդգրկված են Բահրեյնը, Քուվեյթը, Օմանը, Կատարը, Սաուդյան Արաբիան եւ ԱՄԷ-ն: