«Յունիբանկն» առաջին բանկն է Հայաստանում, որը հաջողությամբ անցել է SWIFT վճարային համակարգի կողմից մշակված անվտանգության պահանջներին համապատասխանության ատեստավորումը: Customer Security Controls Framework 1.0. ստանդարտը պարունակում է վերահսկողության պարտադիր եւ առաջարկվող տարրեր` ուղղված տեղեկատվական անվտանգության, կիբերանվտանգության բարձրացմանը, ինչպես նաեւ տեղեկատվական ենթակառուցվածքի պաշտպանմանը: Այդ նպատակով SWIFT-ը մշակել է ատեստավորման գործընթաց, որը բանկերը պետք է անցնեն մինչեւ 2017 թվականի ավարտը:
Տեղեկատվական անվտանգության բարձր մակարդակ ապահովելու նպատակով «Յունիբանկը» համալիր մոտեցում է ցուցաբերում, կիրառում է տեղեկատվության պաշտպանության միայն նորագույն տեխնոլոգիաներ: Հիշեցնենք, որ բանկը ներդրել է ISO 27001:2013 միջազգային ստանդարտների պահանջներին համապատասխան տեղեկատվական անվտանգության կառավարման համակարգ, ինչպես նաեւ ստացել PCI DSS (PCI Data Security Standard) ստանդարտի պահանջներին համապատասխանելիության հավաստագիր:
«Յունիբանկը» հաջողությամբ անցել է PCI PIN Security ստանդարտի պահանջներին համապատասխանության գործընթացն ու հավաստագիր ստացել: Դրա առկայությունը երաշխավորում է, որ բանկում քարտերի PIN-կոդերի տրամադրման գործընթացն իրականացվում է Visa միջազգային վճարային համակարգի անվտանգության պահանջներին համապատասխան, ինչպես նաեւ փաստում քարտերի միջոցով իրականացվող գործարքների բարձր պաշտպանվածությունը: