Ուկրաինայի գլխավոր դատախազությունը Օդեսայի նախկին նահանգապետ եւ Վրաստանի նախկին նախագահ Միխայիլ Սաակաշվիլի ի նկատմամբ հետախուզում է հայտարարել։ Այս մասին իր թվիթերյան էջում գրել է գլխավոր դատախազության մամուլի քարտուղար Լարիսա Սարգանը։
«Հայտարարվել է հետախուզում․․․Հետախուզումն իրականացնելու են ոստիկանության օպերատիվ խումբը եւ Ուկրաինայի անվտանգության ծառայությունը»,-հայտարարել է նա։
Հիշեցնենք, որ Կիեւում՝ Գերագույն Ռադայի դիմաց գտնվող վրանային ճամբարում, բախում է տեղի ունեցել Սաակաշվիլիին որոնող ոստիկանների եւ նրա կողմնակիցների միջեւ։