Kromtech անվտանգության կենտրոնի մասնագետները հայտնի սմարթֆոնների Ai.type վիրտուալ ստեղնաշարերի տվյալների արտահոսք են նկատել։  Ցանցում է հայտնվել 31 միլիոն մարդու տվյալներ։ Այս մասին հայտնում է Digitaltrends-ը։

Ընկերության սերվերում պահպանվել է չծածկագրված 577 ԳԲ ծավալով օգտատերերի անձնական տեղեկությունները։ Տեղեկությունը ներառում է ամբողջական անուններ, փոստային հասցեներ, գտնվելու վայրը։ Մի քանի դեպքերում պահպանվել է նաեւ Google պրոֆիլի ինֆորմացիան՝ նկարը, ծննդյան թիվը, սեռը։ Բացի այդ, համացանցում հայտնվել են 373 միլիոն հեռախոսահամարներ։

Վիրտուալ ստեղնաշարի հեղինակ Էյթան Ֆիտուսին լրագրողներին պատմել է, որ իր ընկերությունը տվյալները չի հավաքել լրտեսության համար։ Անձնական տվյալները պետք են վիճակագրության եւ  Ai.type բարելավման համար։ Բարեբախտաբար, ցանցում չեն հայտնվել հաճախորդների վճարային տվյալները։

Kromtech վերլուծաբանները բացատրել են, որ հանրայնացվել են Android համակարգի օգտատերերի տվյալները, iPhone-ի օգտատերերը չեն տուժել։