Երուսաղեմի կարգավիճակի մասին հարցը բարդ ու զգայուն է, բոլոր կողմերը պետք է զգուշավոր լինեն իրենց գործողություններում: Այդ մասին հայտարարել է Չինաստանի ԱԳՆ պաշտոնական ներկայացուցիչ Գեն Շուանը՝ մեկնաբանելով ԱՄՆ նախագահ Դոնալդ Թրամփի կողմից Երուսաղեմն Իսրայելի մայրաքաղաք ճանաչելու հնարավորությունը, փոխանցում է «Սինհուան»:
Ըստ նրա՝ Երուսաղեմի կարգավիճակի մասին հարցը բարդ ու զգայուն է: Բոլոր կողմերը, հանուն խաղաղության աջակցման ու տարածաշրջանում կայունության, պետք է զգուշավոր լինեն իրենց գործողություններում, խուսափեն ազդեցություն ունենալ Պաղեստինի շուրջ հարցերի որոշումների կայացման վրա եւ թույլ չտան, որ ի հայտ գան նոր առճակատումներ:
Գեն Շուանը նշել է, որ Չինաստանը անխախտ ու հաստատորեն աջակցում եւ առաջ է տանում Միջին Արեւելքի խաղաղ գործընթացը: