ԱՄՆ նախագահ Դոնալդ Թրամփի՝ Երուսաղեմը որպես Իսրայելի մայրաքաղաք ճանաչելու եւ այնտեղ դեսպանատունը տեղափոխելու որոշումը նշանակում է, որ ԱՄՆ-ն դուրս է գալիս Մերձավոր Արեւելքի խաղաղության գործընթացից: Այս մասին տեսաուղերձում հայտարարել է Պաղեստինի նախագահ Մահմուդ Աբասը, հաղորդում է ՏԱՍՍ-ը:
Բացի դրանից Sawt Al-Filastin ռադիոն՝ վկայակոչելով պաղեստինյան ՖԱԹՀ շարժման կենտրոնական կոմիտեի անդամ, Ազամա ալ Ահմադին, հաղորդել է, որ Աբասը կարծում է, որ առանց Արեւելյան Երուսաղեմը Պաղեստինի մայրաքաղաք ճանաչելու տարածաշրջանում ոչ խաղաղություն, ոչ հանգստություն կլինի:
Նա նշել է, որ Վաշինգթոնին հակազդելու կոնկրետ քայլերը Պաղեստինի ղեկավարության կողմից կընդունվեն երկուշաբթի հատուկ խորհրդակցության ժամանակ: