Սիրիայում «Իսլամական պետություն» ահաբեկչական կազմակերպության պարտությունն անկարող է եղել կրճատել համացանի միջոցով իրենց գաղափարախոսությունը քարոզելու գոհայինների հնարավորությունները: Այս մասին հայտարարել են ամերիկյան հետախուզության ներկայացուցիչները եւ Սենատի ռազմական խորհրդատուները, փոխանցում է Reuters-ը:
«Ամբողջ աշխարհում համացանցի միջոցով իրենց կողմնակիցներին հասնելու ԻՊ հնարավորություններն աննախադեպ են եւ խմբավորմանը հնարավորություն են տալիս ավելի մեծ թվով ծայրահեղականների գտնել տարբեր երկրներում»,- ասել է ԱՄՆ Ազգային հակահետախուզական կենտրոնի հետախուզության ղեկավար Լորա Շայոն:
Սենատի ազգային անվտանգության եւ պետական հարցերով կոմիտեի ներկայացուցիչ Ռոն Ջոնսոնը համաձայնել է այս հայտարարությանը՝ ասելով, որ «նոր խալիֆաթը» հիմա տեղադրված է կիբերտարածքում: